شجّعوا الداهية هتلر على خاطر من جهة طاح يحش في اليهود و من جهة أخرى برشا طمعوا في الاستقلال. المهم، احنا العرب، رانا ما كنّاش بعاد برشا في اللّيستا متاع سي هتلر. كنّا موجودين. كيما قال الراجل: أنا اسمي مكتوب؟. أما خسارة. هتلر عرقوا عليه العرب و بدا بالرّاس الغالطة، اليهود.
كان جا هتلر موجود الأيامات هاذي، راهو بدا بالعرب و أوّل خلق ربّي من العرب هوما التوانسة. لا يحترمولك قانون طرقات: الضوء الأحمر عندهم أخضر، الأولوية تولّي ستوب و الستوب يولّي أولوية، يقفولك في نص الكيّاس باش يهبطو و إلا يطلعو صحابهم، يدورو عل اليمين و عل اليسار من غير كلينيوتون، كانو اللّي يسوق وراهم ربّي باش ايهبطلوا الوحي و يقّولوا: شووووف. ردبااااااااالك يا فلان ولد فلتان، المواطن اللّي قدّااااااااااااامك توّا باااااااااش يدور، حضّر روحك. و الآخر هبط يقضي و الا الله أعلم أعليه، يوقّفلك كرهبتو في بوزيسيون ما جات شيء. و الآخرة، تحرق الستوب و من بعد تضحكلي: انفرّك في الرمّان أنا. خلّي عاد من العباد المسّخا، تقول ما عدنهمش ماء باش يغسلو حالتهم. من غير ما نحكيو عل المرمدين. تي ماهو عنكم فريب، برّاو اشريو و البسو، أعلاه المقطّع و المرقّع و المبقّع كينّنا في إفريقيا الكحلة و إلا باكستان و إلا أفغانستان.
الصفّ. التوانسة عندهم مشكلة مع الصف و النظام و الأولوية. ديما العباد أعصابها محروقة. ماذابيك في البانكا و إلا الإدارة ما تكلّم حدّ و ما ادّور بحد، كانش تسمع وسخ وذنيك من غير لا تقدير و لا احترام لا للنساء و لا للعزايز
العياد الكل يحبو يتعداو فرد وقت و قبل بعضهم و لنفس الاتجاه...ما فهمتاش كيفاش هذا الكل يجي؟
الإدارة: خلّي واسكت. كان تكلّم الستندار، ديما مشغول. أما كان تحصّلت عليه، ما يهز عليك حد.
المنطق: عادم، عادم، عادم. كان الكلام الزايد. ما تلقاش اشكون يرجّع عليك و يحاول يحاججك بأسلوب حضاري. لا.
ديما يهربو للقدام. الكلام الزايد، الرّويق الفارغ، قلّة التربية، الانحطاط، قلّة الاحترام
التحضّر و السلوك الحضاري: نول، صفر، كعكة. لا علاقة بالتحضر. ساعات انقول: أعجب، ياخي هاذوما دخلو للمدرسة و الليسي و الجامعة و قراو و إلا لا؟ تي هاوم جهّال؟ تي هاو قرزنهم طالعة و بعابصهم تتكركر؟
آآآآآآآآآآآه. قدّاش باش نحكي و قدّاش باش انعدد. خسارة. يا ريتك يا هتلر بديت بالعرب و سيرتو بالتوانسة، يمكن، كان جينا حيّيين، رانا عايشين بطريقة أفضل و احسن
