سي عمروش، هاني ريت الفيلم متاع سي سليم بالشيخ اللي بعثتهولي. صحيح أنا شوفتو امّخر، الله غالب، بسبب ظروف الخدمة
المهم، أول حاجة انحب انعبّرلك عليها، هو إعجابي بطريقة إخراج الوثائقي و فيه دلالة على إنو شباب تونس و رجالها خلاّقين و مبدعين و فعلا هو شريط وثائقي يستحق جائزة أوسكار. و أنا مستعد نهبط بزادي و زوّادي في هوليود و نتدخل حتى عند اللوبي الصهيوني في أمريكا باش هالوثائقي هذا يتحصل على جائزة أحسن إخراج و تمثيل و سيناريو في جوائز أوسكار للعام الجاي، على خاطر كيما تعرف جوائز السنة توزعو ووفاو
حتى حدّ ما ينجم ينكر 3 حاجات على الأقل تذكرت في الشريط و هي:
أولا، ظاهرة الحرقة أو الهجرة الغير شرعية
ثانيا، مشكل استرجاع الحقوق بالنسبة للأشخاص اللي عدّاو عقوبة السجن و اتقيدت في البطاقة عدد 3
ثالثا، حكاية الستاج في الشركات
في الواقع النقاط الكل مربوطين ببعضهم. لكن قبل ما نتعدى للتحليلي، ماذا بيّا نسمع رأيك إنت و شنوة الحلول اللي إنت تراهم. ماك حكيت على الحوار مع الشباب و المشاكل اللي ذكروها الشباب في الشريط، حسب رأيك إنت كيفاش انحلّوهم؟ احسب روحك إنت مسؤول وطني و الملف مطروح على بيروك و أعطينا رأيك في بلاصة تقعد مع النبّارة، هات الحل و البديل، إلا إذا إنت عاذ بلاصة الفرجة عاجبتك، هذيكا أمور أخرى خارجة عن نطاقي
نرجع لظاهرة الحرقة اللي أسبابها متعددة و منها الفقر و التهميش و قلّة الوعي
ولو أنا نعرف اللي انت و غيرك باش تراو في كلامي دفاع على السلطة، و لكن هذاكا هو الواقع حبينا و إلا كرهنا: عنا حوم و أحياء يمثلو بؤرة متاع توتر. أحياء عشوائية يسكنو فيها نازحين أو فقارا أو ضعفاء حال. الدولة قاعدة تقوم بمجهودها باش تحسن أوضاع الناس هاذوما اللي يعيشوا في هالأحياء باش تخفف من نسبة التباين بينهم و بين الأحياء الأخرى. و أنا نحكي منا مش من منطلق المدافع على السلطة، و لكن لأنو عندي أصدقاء يعيشو في هالأحياء الشعبية و المناطق الشعبية كيما حي النور في الكبارية - بن عروس، و جبل الأحمر، و جبل جلّود، و الملاسين، و حي التضامن. و أصحابي بيدهم يقرّوا اللي حالتهم تحسنت علللي كانت عليه قبل
المشكلة ما تحلّتش، ولكن على ألقل باهي برشا إنو نحاولو الكل باش انخففوا من صعوبة العيش في هاك ألأحياء و الحوم. الله غالب، أحنا اتحبو تونس الكل كيما المنازه و حي النصر و المنارات و قرطاج ، و لكن كل شيء يجي بالشوية بالشوية. أحنا ما عندناش عصى سحرية باش انغيروا بيها البلاد بين ليلة و نهار و لكن على الأقل ما وقفناش و إنما حاولنا باش انصلحو و نحسنوا في إطار إمكانياتنا
تقوللي البطاقة عدد 3...شوف، أكيد إنك تعرف إنو الشخص يسترجع حقوقو و بطاقتو تنظاف بعد مرور فترة من 6 أشهر إلى 5 سنوات حسب الجرم المرتكب و إذا تحب أكثر معلومات أرجع للفصول من 367 إلى 370 من مجلة المرافعات الجنائية
بالنسبة للستاج في الشركات. شوف، أحنا مشكلتنا في تونس هي العقلية. مازلنا ننظرو لكل شخص انعلموه حاجة على أساس إنو منافس بينا في بلاصة إنو انعلموه و نصرفو عليه و نعطيوه الحوافز خاصة كي يبدا إنسان فريه و ووليدها بلوغتنا باش يقعد معانا، أحنا لا، نستغلوه و نخدموه في غير بلاصتو و انطيشوه. و لـــــــــكن، يبارك فيك، التعميم ديما لا
جانا مرّا واحد للبيرو باش يعمل ستاج، جا في شلاكة، يكركر في ساقيه، شعرو مشبشب، و سوريتو محلولة و في دجين. توّا هذا مظهر متاع عبد يلوّج على ستاج؟؟؟؟؟؟
و الأخرى، عمّرت ورقة، خربشت فيها كيما حبّت و اشتهات. قلتلها، يا بنتي، ماو أعمل عليها فوتوكوبي و عمرها و جرب مرة و 2 و 3 و من بعد عمر الورقة الأصلية باش تكون نظيفة. قاللتلي: و كان جيت إنت مولا البيرو آش تعمل؟ قلتلها: وريقتك نرميها في البوبال و ما انعيطلكش
وحد آخر، يعيش في حي غادي من شعبي. تقول عليه يعيش في مخيم لاجئين فلسطيني، و الكلام هذا قلتو في وجه المسؤولين بيدهم، السيد هذا مهندس، و الله نسيت مهندس فاش و لكن نتذكر إنو قاللي اللي هو مهندس: إيييييه؟ شنوة مشكلتك؟ قاللي: مشكلتي الخبرة. وين نمشي لشركة باش نخدم يطلبو خبرة خاصة خبرة متاع 5 سنين. منين باش انجيب الخبرة؟ حتى انهارت اللي لقيت خدمة أعطاوني 400 و إلا 500 دينار أكاهو ياخي قلتهم زيدزهم على حالكم.
أيييييييييا إيجا الهوني قوتلو. توا انت من جهة تحب تخدم، و أغلب الشركات يحبو الخبرة، و انهارت اللي ليقت خدمة مارضيتش بيها على خاطر 400 و إلا 500د؟ حاصيلو خصّني كان باش نجبدو من وذنيه و قتلو: شوف....عاجبتك حالتك توّا؟؟؟؟ شوف الحي متاعكم؟ تقولش أعليه مخيم لاجئين متاع فلسطينيين. عاجبك هكا؟؟؟ معناها جاتك فرصة باش تخدم و تربح هاك الخبرة المحنونة و عندك فرصة باش كان فرضت روحك و كنت كفء باش الشركة تزيدك في الشهرية و يمكن تلقى فرصة ما خير، انت لا، ضيعت الفرصة على روحك و قعدتلنا في القهوة محسوب على البطّالة و النهار الكل و انت تشكي و تبكي؟؟؟؟؟ عاجبك هكّا؟؟؟؟
حطّ عينيه في القاعة و كلمة مازادهاش معايا و قالي عندك حق
آش تحب بابا؟ بلاصة ويزر و إلا رئيس؟؟؟
تي أحنا عنا برشا بطّالة كيما حالتو. لقاو خدم و ستاج و غيرو و لكن سيادتهم يحبو يخلصو قد وزير إذا مش قد 10 وزرة
تي أنا كي خدمت ساعات ما نوصلش لـ 200 دينار باش نخلص كرايا و قرايتي و مانمدش يدي لدارنا
نرجعلك سي عمروش عاد و للفيلم. و هاك الصغيرات مساكن؟؟؟ آش دخلّهم في الحرقة؟؟؟؟؟ شادين ولاد البريما فيهم عمرو 13. منين يعرف الحرقة و إلا علاش باش يحرق؟؟؟ يسمع في كلام و يعاود فيه كالببغايو من غير لا يعرف فاش يقول
لا و عاد، البلاد و حالتهم صوّروها تقولش أعلينا انعيشوا في سيراليون و إلا ليبيريا و إلا لاجئين في التشاد و إلا درفور و إلا الكونغو الديمقراطية
قالو نخدم حتى زبّال و إلا في الحضيرة.....خرّفي....أيجا معايا أتوا انويريك شباب لا عندهم لا شهادة و لا صنعة و لا هم يحزنون و أكثر من مرة طلبوهم باش يخدمو مش زبالا و إلا في الحضاير، لا ، في معامل، و صدقني تعرف آش كانا إجابتهم: الساعة، الكار توصللنا للحي و إلا لا؟ و آش عندي حوافز؟ وآش و آش؟؟ظ يا ولدي آش و علاش...فيق...تي انت بمقص النار ما تتهزش و ليقت خدمة باش تاكل منها في بلاصة النهار الكل و انت تخيّط في الشوارع و انت لا شهادة و لا صنعة و زيد تتشرّط؟؟؟
تي السيد متاعك قال اللي هو معرّس و مالقاش خدمة و دبّوزة البيرة في يدّو. بربي منين جاب حقها دبوزة البيرة؟؟؟؟؟ يبقى الدبوزة نطّرلها حقها و مرتو وولدو آش عاملين؟؟؟؟؟ و إلا زعمة مرتو تخدم عليه كيما برشا توانسة؟؟؟؟؟؟؟
نحبو نخدمو...نحبو انعرسو...نحبو ناكلو...نحبو نرقدو...نحبو نلبسو...نحبو انحوسو...انحبو انحبو انحبو، ماهو الواحد يكون عقلاني شوية. ياخي البلاد عندها خدم و مسكرة الباب؟؟؟؟؟؟؟
مانا نتعاونو على هزان وذنين القفة. الدولة عملت إجراءات باش تسهل تشغيل حاملي الشهدات العليا ياخي ولاّت الناس تسمسر. هاو توّا عاودو تصليح المنظومة
وقت اللي انقولو أحنا انحبو إنو حاملي الشهدات العليا و الشباب ينتصبو للحساب الخاص و نوصلو لـ 70 ألف مؤسسة سنويا معناها وفرنا 70 ألف موطن شغل و زيد إذا كا واحد يدخّل معاه واحد و إلا زوز معناها وفلانا 140 و إلا 210 آلاف موطن شغل سنويا
يزيييييييييييييينا من الادارة و الوظيفة العمومية....يا ولادي راهي الدينا و العالم تغير...راهو الهرم السكاني باش يتقلب...عدد الشباب باش ينقص....عدد التلامذة باش ينقص و معاهم المدرسين...يا ولادي غيرو من الاختيارات وقت التوجيه...راهو الشخص اللي ماشي للفلسفة و إلا العربية و إلا التاريخ و الجغرافيا راهو ماشي للانتحار. صحيح هالمواد مهمة و لكن بنسبة معينة
راهو منظومة التكوين تغيرت...رااااااااانا ما لقيناش ناس متكونة باش تخدم في المشاريع المقامة في البلاد و إذا مالقيناش حل باش هالشباب يقتنعوا بالتكوين المهني و إنهم ينجموا يصوروا خير من المهندس و الطبيب و الأستاذ، رانا باش انوليو انجيبوا في الخدامة من الهند و باكستان و بنغلاديش
و تقولي ستة من سطّاش
المهم، أول حاجة انحب انعبّرلك عليها، هو إعجابي بطريقة إخراج الوثائقي و فيه دلالة على إنو شباب تونس و رجالها خلاّقين و مبدعين و فعلا هو شريط وثائقي يستحق جائزة أوسكار. و أنا مستعد نهبط بزادي و زوّادي في هوليود و نتدخل حتى عند اللوبي الصهيوني في أمريكا باش هالوثائقي هذا يتحصل على جائزة أحسن إخراج و تمثيل و سيناريو في جوائز أوسكار للعام الجاي، على خاطر كيما تعرف جوائز السنة توزعو ووفاو
حتى حدّ ما ينجم ينكر 3 حاجات على الأقل تذكرت في الشريط و هي:
أولا، ظاهرة الحرقة أو الهجرة الغير شرعية
ثانيا، مشكل استرجاع الحقوق بالنسبة للأشخاص اللي عدّاو عقوبة السجن و اتقيدت في البطاقة عدد 3
ثالثا، حكاية الستاج في الشركات
في الواقع النقاط الكل مربوطين ببعضهم. لكن قبل ما نتعدى للتحليلي، ماذا بيّا نسمع رأيك إنت و شنوة الحلول اللي إنت تراهم. ماك حكيت على الحوار مع الشباب و المشاكل اللي ذكروها الشباب في الشريط، حسب رأيك إنت كيفاش انحلّوهم؟ احسب روحك إنت مسؤول وطني و الملف مطروح على بيروك و أعطينا رأيك في بلاصة تقعد مع النبّارة، هات الحل و البديل، إلا إذا إنت عاذ بلاصة الفرجة عاجبتك، هذيكا أمور أخرى خارجة عن نطاقي
نرجع لظاهرة الحرقة اللي أسبابها متعددة و منها الفقر و التهميش و قلّة الوعي
ولو أنا نعرف اللي انت و غيرك باش تراو في كلامي دفاع على السلطة، و لكن هذاكا هو الواقع حبينا و إلا كرهنا: عنا حوم و أحياء يمثلو بؤرة متاع توتر. أحياء عشوائية يسكنو فيها نازحين أو فقارا أو ضعفاء حال. الدولة قاعدة تقوم بمجهودها باش تحسن أوضاع الناس هاذوما اللي يعيشوا في هالأحياء باش تخفف من نسبة التباين بينهم و بين الأحياء الأخرى. و أنا نحكي منا مش من منطلق المدافع على السلطة، و لكن لأنو عندي أصدقاء يعيشو في هالأحياء الشعبية و المناطق الشعبية كيما حي النور في الكبارية - بن عروس، و جبل الأحمر، و جبل جلّود، و الملاسين، و حي التضامن. و أصحابي بيدهم يقرّوا اللي حالتهم تحسنت علللي كانت عليه قبل
المشكلة ما تحلّتش، ولكن على ألقل باهي برشا إنو نحاولو الكل باش انخففوا من صعوبة العيش في هاك ألأحياء و الحوم. الله غالب، أحنا اتحبو تونس الكل كيما المنازه و حي النصر و المنارات و قرطاج ، و لكن كل شيء يجي بالشوية بالشوية. أحنا ما عندناش عصى سحرية باش انغيروا بيها البلاد بين ليلة و نهار و لكن على الأقل ما وقفناش و إنما حاولنا باش انصلحو و نحسنوا في إطار إمكانياتنا
تقوللي البطاقة عدد 3...شوف، أكيد إنك تعرف إنو الشخص يسترجع حقوقو و بطاقتو تنظاف بعد مرور فترة من 6 أشهر إلى 5 سنوات حسب الجرم المرتكب و إذا تحب أكثر معلومات أرجع للفصول من 367 إلى 370 من مجلة المرافعات الجنائية
بالنسبة للستاج في الشركات. شوف، أحنا مشكلتنا في تونس هي العقلية. مازلنا ننظرو لكل شخص انعلموه حاجة على أساس إنو منافس بينا في بلاصة إنو انعلموه و نصرفو عليه و نعطيوه الحوافز خاصة كي يبدا إنسان فريه و ووليدها بلوغتنا باش يقعد معانا، أحنا لا، نستغلوه و نخدموه في غير بلاصتو و انطيشوه. و لـــــــــكن، يبارك فيك، التعميم ديما لا
جانا مرّا واحد للبيرو باش يعمل ستاج، جا في شلاكة، يكركر في ساقيه، شعرو مشبشب، و سوريتو محلولة و في دجين. توّا هذا مظهر متاع عبد يلوّج على ستاج؟؟؟؟؟؟
و الأخرى، عمّرت ورقة، خربشت فيها كيما حبّت و اشتهات. قلتلها، يا بنتي، ماو أعمل عليها فوتوكوبي و عمرها و جرب مرة و 2 و 3 و من بعد عمر الورقة الأصلية باش تكون نظيفة. قاللتلي: و كان جيت إنت مولا البيرو آش تعمل؟ قلتلها: وريقتك نرميها في البوبال و ما انعيطلكش
وحد آخر، يعيش في حي غادي من شعبي. تقول عليه يعيش في مخيم لاجئين فلسطيني، و الكلام هذا قلتو في وجه المسؤولين بيدهم، السيد هذا مهندس، و الله نسيت مهندس فاش و لكن نتذكر إنو قاللي اللي هو مهندس: إيييييه؟ شنوة مشكلتك؟ قاللي: مشكلتي الخبرة. وين نمشي لشركة باش نخدم يطلبو خبرة خاصة خبرة متاع 5 سنين. منين باش انجيب الخبرة؟ حتى انهارت اللي لقيت خدمة أعطاوني 400 و إلا 500 دينار أكاهو ياخي قلتهم زيدزهم على حالكم.
أيييييييييا إيجا الهوني قوتلو. توا انت من جهة تحب تخدم، و أغلب الشركات يحبو الخبرة، و انهارت اللي ليقت خدمة مارضيتش بيها على خاطر 400 و إلا 500د؟ حاصيلو خصّني كان باش نجبدو من وذنيه و قتلو: شوف....عاجبتك حالتك توّا؟؟؟؟ شوف الحي متاعكم؟ تقولش أعليه مخيم لاجئين متاع فلسطينيين. عاجبك هكا؟؟؟ معناها جاتك فرصة باش تخدم و تربح هاك الخبرة المحنونة و عندك فرصة باش كان فرضت روحك و كنت كفء باش الشركة تزيدك في الشهرية و يمكن تلقى فرصة ما خير، انت لا، ضيعت الفرصة على روحك و قعدتلنا في القهوة محسوب على البطّالة و النهار الكل و انت تشكي و تبكي؟؟؟؟؟ عاجبك هكّا؟؟؟؟
حطّ عينيه في القاعة و كلمة مازادهاش معايا و قالي عندك حق
آش تحب بابا؟ بلاصة ويزر و إلا رئيس؟؟؟
تي أحنا عنا برشا بطّالة كيما حالتو. لقاو خدم و ستاج و غيرو و لكن سيادتهم يحبو يخلصو قد وزير إذا مش قد 10 وزرة
تي أنا كي خدمت ساعات ما نوصلش لـ 200 دينار باش نخلص كرايا و قرايتي و مانمدش يدي لدارنا
نرجعلك سي عمروش عاد و للفيلم. و هاك الصغيرات مساكن؟؟؟ آش دخلّهم في الحرقة؟؟؟؟؟ شادين ولاد البريما فيهم عمرو 13. منين يعرف الحرقة و إلا علاش باش يحرق؟؟؟ يسمع في كلام و يعاود فيه كالببغايو من غير لا يعرف فاش يقول
لا و عاد، البلاد و حالتهم صوّروها تقولش أعلينا انعيشوا في سيراليون و إلا ليبيريا و إلا لاجئين في التشاد و إلا درفور و إلا الكونغو الديمقراطية
قالو نخدم حتى زبّال و إلا في الحضيرة.....خرّفي....أيجا معايا أتوا انويريك شباب لا عندهم لا شهادة و لا صنعة و لا هم يحزنون و أكثر من مرة طلبوهم باش يخدمو مش زبالا و إلا في الحضاير، لا ، في معامل، و صدقني تعرف آش كانا إجابتهم: الساعة، الكار توصللنا للحي و إلا لا؟ و آش عندي حوافز؟ وآش و آش؟؟ظ يا ولدي آش و علاش...فيق...تي انت بمقص النار ما تتهزش و ليقت خدمة باش تاكل منها في بلاصة النهار الكل و انت تخيّط في الشوارع و انت لا شهادة و لا صنعة و زيد تتشرّط؟؟؟
تي السيد متاعك قال اللي هو معرّس و مالقاش خدمة و دبّوزة البيرة في يدّو. بربي منين جاب حقها دبوزة البيرة؟؟؟؟؟ يبقى الدبوزة نطّرلها حقها و مرتو وولدو آش عاملين؟؟؟؟؟ و إلا زعمة مرتو تخدم عليه كيما برشا توانسة؟؟؟؟؟؟؟
نحبو نخدمو...نحبو انعرسو...نحبو ناكلو...نحبو نرقدو...نحبو نلبسو...نحبو انحوسو...انحبو انحبو انحبو، ماهو الواحد يكون عقلاني شوية. ياخي البلاد عندها خدم و مسكرة الباب؟؟؟؟؟؟؟
مانا نتعاونو على هزان وذنين القفة. الدولة عملت إجراءات باش تسهل تشغيل حاملي الشهدات العليا ياخي ولاّت الناس تسمسر. هاو توّا عاودو تصليح المنظومة
وقت اللي انقولو أحنا انحبو إنو حاملي الشهدات العليا و الشباب ينتصبو للحساب الخاص و نوصلو لـ 70 ألف مؤسسة سنويا معناها وفرنا 70 ألف موطن شغل و زيد إذا كا واحد يدخّل معاه واحد و إلا زوز معناها وفلانا 140 و إلا 210 آلاف موطن شغل سنويا
يزيييييييييييييينا من الادارة و الوظيفة العمومية....يا ولادي راهي الدينا و العالم تغير...راهو الهرم السكاني باش يتقلب...عدد الشباب باش ينقص....عدد التلامذة باش ينقص و معاهم المدرسين...يا ولادي غيرو من الاختيارات وقت التوجيه...راهو الشخص اللي ماشي للفلسفة و إلا العربية و إلا التاريخ و الجغرافيا راهو ماشي للانتحار. صحيح هالمواد مهمة و لكن بنسبة معينة
راهو منظومة التكوين تغيرت...رااااااااانا ما لقيناش ناس متكونة باش تخدم في المشاريع المقامة في البلاد و إذا مالقيناش حل باش هالشباب يقتنعوا بالتكوين المهني و إنهم ينجموا يصوروا خير من المهندس و الطبيب و الأستاذ، رانا باش انوليو انجيبوا في الخدامة من الهند و باكستان و بنغلاديش
و تقولي ستة من سطّاش
