كنت فيل الميتاب...كنت عامل جو مع تونيزيان دكتور و سيتيزن و طارق و دي جي لوكا و كريم و قصة اونلاين و مريوما و يسرا و اس و الواوا و غيرهم..من لبنان لفلسطين لتونس..للفخار..الطين و النار...للعوج متاع التوانسة..في الثنية مازلت كيت كونت نحكي مع طارق على العوج اللي نعيشوا فيه في تونس..ما هو المسكين عايش في انقليتيرا..العوج اللي يراه كي يجي مش بارشا...ايا الحاصيلوا و انا مروح..شديت ثنية حي النصر..يقول القايل الواحد يسوق في بلاصة متحضرة..المنازه عليمين و اليسار...و الوقت امخر..ماضي ساعتين و نص متاع الليل...اما علا خاطر احنا توانسة..لا يهمنا لا ليل و لا صباح...احنا ناس مصلي عن النبي علينا...واعين و متثقفين و خداما و ذكيين...و احنا اخمج و اتعس منا ما ثماش...عادة قلتلكم..مين ميتاب مع ناس يشرفني باش نعرفهم...لعادة التواسنة الأنفارنال في السياقة...لا فوروج و لا فو فار و لا ستوب و لا سادي لو باساج...سوق كالبهيم..باقلا ليها...مالا تونس
