كنت نمشي في الطريق في وسط العاصمة، و كان قدّامي ولد هو و صاحبتو و على يميني فيلق كامل متاع ولاد مانحكيلكومش عل المنطق الهايل متاعهم. ثنيّة كاملة و هوما يقولو في الشعر و الدّرر. ملاّ منطق هايل والاّ عند التوانسة. تعرفوا، أطربونا ثنيّة كاملة و أطربوا معانا هاك الطفلة و النساء اللي في الثنية و حتى الحاكم متاعنا. شبيكم؟ راهوا مش كل يوم نسمعوا شعر...و مش كل يوم تلقاوا آشكون يشعرلكم بلاش فلوس. المهم خسارة، لا الوقت و لا البلاصة متاع شعر من هاك النوع الراقي اللي يطرب الأذن و الفؤاد و ما فيّقنا منّوا كان هاك الجون اللي يمشي معا صاحبتو وقت اللي تلفّت للفيلق متاع الولاد و قاللهم: "صاحبي...بربّي طيّح شوية
