مسكين رمضان، و الله مسكين. التوانسة الكلّ ديما يحملّوه أكثر من طاقتو. في الخدمة الناس الكل تكركر في ساقيها و تخدم فوق من قلبها و ديما عينيهم على المنقالة قريب باش يدزّوا العقارب فمّاش مالساعتين و نص تضرب و هوما مازّالوا كي دخلو و روتار أون بليس. قالك شنوّة: والله رمضان و فاشلين و تاعبين
تمشي للإدارة التونسية، ما تلقى كان اللي ينش و يكش. قالك شنوّة: مرمضنين و محششين على الدخان و القهوة. اللي تقلّو صباح الخير تقولش عليك سبّيتو، و اللي تقولو في الأمان و إلا بالسلامة و إلا يعيشك، يطنّش و يعمل روحو ما سمعكش
خللّي عاد التوانسة في الطريق ووقت المرواح. تقول عليهم الكل سيوقو في الفورمولا 1 و إلا خذاو البرمي على يد شوماخر. اللي تغزرلو في كرهبتو تلقاه أخلاقو في ..... قال شنوّة: حشيشة رمضان
التنرفيز و التكريز و التعصبين: قال شنوّة: حشيشة رمضان. مسكين هذا رمضان. في الحقيقة، أنا ديما انرى في التوانسة على نفس الشكل سواء في رمضان و غلا في سيّر الأيام العادية. ديما نفس الطبيعة: بالدخان و إلا بلاش، في الصباح و إلا في الليل، في الخدمة و إلا في الشارع. ديما هاذاكا هو حال التوانسة، دونك علاش انلصقوهل في سيدي رمضان، هالشهر الفضيل؟ بصراحة؟ اللي ماينجمش يصيم، يفطر خير على خاطر ماللي يخرج من الدار و هو يركّب في الذنوب على روحو. قالك رمضان....بربّي براو شوفو حلّ لحياتكم...مش خير؟
تمشي للإدارة التونسية، ما تلقى كان اللي ينش و يكش. قالك شنوّة: مرمضنين و محششين على الدخان و القهوة. اللي تقلّو صباح الخير تقولش عليك سبّيتو، و اللي تقولو في الأمان و إلا بالسلامة و إلا يعيشك، يطنّش و يعمل روحو ما سمعكش
خللّي عاد التوانسة في الطريق ووقت المرواح. تقول عليهم الكل سيوقو في الفورمولا 1 و إلا خذاو البرمي على يد شوماخر. اللي تغزرلو في كرهبتو تلقاه أخلاقو في ..... قال شنوّة: حشيشة رمضان
التنرفيز و التكريز و التعصبين: قال شنوّة: حشيشة رمضان. مسكين هذا رمضان. في الحقيقة، أنا ديما انرى في التوانسة على نفس الشكل سواء في رمضان و غلا في سيّر الأيام العادية. ديما نفس الطبيعة: بالدخان و إلا بلاش، في الصباح و إلا في الليل، في الخدمة و إلا في الشارع. ديما هاذاكا هو حال التوانسة، دونك علاش انلصقوهل في سيدي رمضان، هالشهر الفضيل؟ بصراحة؟ اللي ماينجمش يصيم، يفطر خير على خاطر ماللي يخرج من الدار و هو يركّب في الذنوب على روحو. قالك رمضان....بربّي براو شوفو حلّ لحياتكم...مش خير؟
