كنت متأكد من مواقفكم التي عبّرتم عنها و هي التالية و موقفي تجدونها مباشرة بعد عرضها
البعض طلب مني أن أحتفظ برأيي إن كان لي رأي عوض تدوينه. أعتقد أنه "ولاّدة". والله شوف يا ولاّدة. ماهو إنتوما تؤمنوا الكل بحرية التعبير و حرية الصحافة و غيرو من الحريات و كيما انتوما تحبّوا تكتبوا و تنّبروا و تشتموا و تفضحوا و تورّيوا الشيء المخبّي و تنقدوا و اطّالبوا و تسبّوا و غيروا من الاستفزازات، حتى أنا يحقّلي باش نكتب
و اندوّن أي فكرة تجيني سواء عجبتكم أو لا.
تبقى مسألة إنو انعكّرلكم جوّكم...الله غالب....ساعات الكلام يكون مؤلم و ما يعجبش الناس الكل لكن لازمو يتقال
بورقيبة الله يرحمو و ينعمو، وقت اللي حكى على السلام مع إسرائيل و على قبول قرار التقسيم، و حكى على تغليب العقل على العاطفة، و على التفريق بين المهم و الأهم، و على "الدوام ينقب الرخام"، و غيرو و غيرو، ماسمعوا حدّ. بل وصفوه بالخيانة و العمالة و غيرو من النعوت و لكن اليوم، التوانسة الكل و العرب الكل و الأجانب الكل يستشهدوا بكلام بورقيبة مش كان فقط فيما يتعلّق بقضية الشرق الأوسط و إنما حتى على الصعيد الداخلي و رؤيتو للأمور
البعض الآخر، كيما فري-رايس و براستوس. راو في كلامي استفزاز و حتى حالة مرضية نفسية. أنا انقوللهم...لا....مش صحيح. لاني نستفزّ في الناس، و لاني قاعد انطبّق في هاكالقاعدة الشهيرة متاع خالف..تعرف
أنا قلتهالكم أكثر من مرّة، و في الواقع أنا مانيش مطالب باش انفسّرلكم، و لكن الله غالب ماهو أحنا التوانسة و العرب انحبّوا برشا التكعرير و المعاودة، أنا مانيش نستفز في الناس...أنا عندي فكرة نكتبها و اندوّنها، سواء عجبتكم و إلا ما عجبتكمش. كان ماعجبتكمش، ماعليكم كان تنقدوا الفكرة و ادوّنوا آرائكم و اترجعوا عليا و خليّونا انحلّوا نقاش على المسألة و نتبادلوا الأفكار. لعّل في النهاية تقنعوني و إلا أنا نقنعكم و نوصلوا لحلّ. الحل قد يرضي الجميع و يمكن لا.
و لكن على الأقل حلاّن النقاش في الموضوع و تناول المسألة من أوجهها الكل: الأخلاقية و القانونية و السياسية و حتى العاطفية، ربما يوضّح المسألة لينا و للمدونين و للقراء و للتوانسة الكل. في بلاصة كل حد يجبد ليه، هات نتعاونو عل المسألة و نشوفوا باش بشنخرجو
خالف...تعرف. و الله ريقي شاح و أنا نقول و انعاود اللي عمري ما كنت انطبق في هالقاعدة هذي. سواء أكنت واعي أو غير واعي، لا في الوعي متاعي و لا في اللاوعي متاعي، ماني انطبق فيها. قلت، و انعاود، كي انتوما اتحبو التكعرير، أنا تبدا عندي فكرة أو رأي أو حاجة انحب انقولها، نكتبها و اندونها من غير أي خلفية أو رغبة في الاستفزاز أو باش نظهر. أعلاش باش نظهر؟ تي هاو تن-بلوغز الكل تعرفني. آش نوّة باش نربح؟ عدد كبير يدخلو يقراولي، آش زادوني؟ و كي ما يقرالي حتّى حدّ، آش انقصلي؟ نقصت مني حاجة؟ و برّا استفزّيت العباد، على الأقل هكاكا انجّم انشوف ردّات الفعل المختلفة و انجّم انشوف العباد اللي توافقني في بعض الأمور كيفاش باش تكون ردّة فعلها على أمور أخرى: يا هالترى ردّة الفعل متاعهم باش تكون عنيفة و عكس ما أظهروه ليّ و إلا باش يكونو معتدلين؟ و كيفاش البقية المتعلمة و المتثقفة تفكّر؟ يا هالترى مجتمعنا اطّور و إلا لا؟ هل نحن ناس نستعملو العقل و إلا العاطفة مزّالت تتحكم فينا؟
هي أسئلة عديدة، يقول القايل آش يهمّك بالأمور اللي تهم الحالات النفسية و البسيكولوجية للناس و لكن الله غالب. أنا عندي دودة انحب ديما انشوف ردّات فعل الناس و انحلّللها و انشوفهم كيفاش يتحكموا في أعصابهم و آرائهم. غرام...آش تحبوني نعمل
واحد آنونيم، حكى إنوا اللي صار في قفصة كان السبب متاعو توظيف توانسة من خارج سكان المنطقة و را في هذا عدم احترام لحقوق الانسان و يقصد هوني الحق في العمل و إنو مازلنا انفرقوا بين الجهات في حين إنو بكلنا توانسة
و التونسي ينجم يخدم في أي بلاصة. أنا موافقك يا سي أنونيم...كلامك صحيح. أكثر من مرّة وقع ترديد أنو لا إقصاء
و لا تهميش و أنو تونس للكل. و لكن، و لو إنو في الوقت الحالي أنا ماعنديش المعطيات الكاملة، و لكن يقال إنو هناك ، نص تشريعي يحدّد نسبة معيّنة دنيا مخصصة لأبناء الجهة باش يقع تخديمهم في الحوض المنجمي. اللي صار إنو لم يقع احترام هالنسبة. و وجود النسبة أمر عادي لأنو المنطقة ما فيهاش تطور للنسيج الصناعي و الخدماتي اللي باش يوفر مواطن الشغل، من هوني وقع الالتجاء لها الفكرة بحيث يضمن لأبناء المنطقة نصيب من مواطن الشغل في الحوض.
و لكن عدم احترام هالنسبة، مع وجود نسبة بطالة، هو اللي خلاّ المواطنين ينتفضوا و يعبروا على غضبهم.
الرئيس ادّخل هوني من أول ماصارت الاضطرابات، و قرّر عزل المدير و الوالي و أكيد هو يتبع في أحداث قفصة لليوم و يحقق و يشوف و كذلك عدد كبير من المسؤولين. و هالأمر يصير في عدد كبير من الدول حتى المتقدمة. و على الأقل أحنا حكومتنا مامشاتش عكس التيّار، بالعكس، ساندت مطالب المواطنين و ماساندتش المسؤولين على الانتداب
أنا صحيح بورقيبي و نحترم الزعيم الراحل كيما برشا توانسة يعزّوه، و لكن هناك أخطاء ارتكبها المجاهد الأكبر ربما لأسباب سياسية و لكن زادة بسبب الجوقة اللي كانت محيطة بيه . هالجو هذا خلاّ قفصة اتخلّص في فاتورات قديمة أهمها محاولة الانقلاب العسكري على بورقيبة. و المنطقة في الحقيقة منذ التاريخ القديم كانت صعيبة. لكن عيب أعلينا انحاكمو منطقة كاملة بسبب أحداث تاريخية الأجيال اللي تعيش توا ماعندها حتى دخل بيها. لذلك، أول نواة صناعية بالمنطقة رات النور مع وصول الرئيس بن علي للحكم. مانيش نرمي في الورود، أو نضرب في البندير كيما قال البعض منكم، و لكن من واجبنا باش انقولو الحقائق. مش على خاطر ثمة حاجات في البلاد مش عاجبتنا، انوليوا انسّوقوا كل شيء على أساس إنو أسود
أول نواة صناعية اترّكزت في جهة قفصة كانت بعد التغيير لأنو فعلا يحق لكل تونسي و تونسية باش يتمتعوا بثروات البلاد و باش ثروات البلاد يتوزعو على المناطق الكل. و توّا المنطقة بدات تتحسن. ماهو كل شيء مربوط ببعضو. اليوم ثمة قطب جامعي في قفصة مثلا. اللي ماكانش قبل. كي تعمل قطب جامعي معناها وفّرت مواطن شغل للتوانسة ككل و ووفرت مواطن شغل لأولاد المنطقة. و كي تعمل مركب جامعي معنها خلقت حركية في الجهة. لأنو هناك طلبة و أساتذة من جهات أخرى اللي يمثلو طاقة شرائية و باش يكريوا ديار و يشريو و يبيعو و ناس تتعرف ببعضها و تتزاوج
و بالتالي ثمة حركية مالية و اجتماعية و تبادل ثقافي و ربط الصلة بين الجهات باش نناسو الجهويات و المحليات
و التعصب القبلي و العروشي و قيسوا على هذا المثال أمثلة أخرى في مواضيع أخرى و مناطق أخرى
اتقولو هذا فاش قاعد يخضرط؟ فاش ايقول و فاش ** ****؟ لا...مش صحيح. خممّو فيها
اليوم وقت اللي الطريق السيارة توصل لقفصة و زادة لسيدي بوزيد و القصرين و ٍالقيروان و رأس الجدير، مع تشجيع الدولة على الاستثمار في هالمناطق و تهيئة المناطق الصناعية فيها و وجود مطار في قفصة و مطار في قابس و مطار في صفاقس و مطار في طبرقة و مطار المنستير و مطار النفيضة الجديد و المواني، هذي كلها تولي تقرّب المسافات
و اتخللي المستثمر، اللي مش بشرطه مستثمر معناها أجنبي، حتى التونسي، لأنو مجلة التشجيع على الاستثمار هي مفتوحة للجميع توانسة و أجانب، و القوانين المشجعة على الاستثمار في المناطق الداخلية هي قوانين للتوانسة
و للأجانب و لكن الكرة عند أبناء المناطق هذه و عند رجال الأعمال التوانسة و عند الغرف التجارية باش يعرفوا بمناطقهم أو باش يستثمرو فيها
يزيّونا من الدولة و من هات و هات، اليوم أحنا آش باش نعطيوا لدولتنا؟ آش باش نعملو؟ لانا ناقصين يد و لا ساق. متعلمين و متثقفين و عنّا قدرات.
أشنوة ايزيد علينا الياباني و إلا السنغفوري و إلا الكوري الجنوبي؟ لا عندهم بترول و لا غاز و لا مناجم و لا أراضي واسعة. تي أحنا على الأقل عنا شويّة غاز و نفط و ثروات و عنا مساحة أكبر منهم، علاش مانكونوش كيفهم و حتى خير منهم؟
نرجع لأحداث قفصة. قلنا المطالب شرعية و كان ثمة تجاوز للقانون من طرف المسؤولين و لقاو عقوبتهم و لكن زادة المواطنين ماقصّروش. اعتداو على برشا أملاك عامة و خاصة. خرقوا القانون في أكثر من مرة و أكثر من مكان. إذا باش انغضّو الطرف على أفعالهم قال اشنوّة والله مطالبهم مشروعة، و حتى حد ما يشك، أتوّا من غدوة نلقاو انتفاضات في كل الجهات و كل واحد وآش نوّة مشكلتو و انردوّها بلاد فوضى. كسّر و تدقدق كيما تحب و لا مراقب و لا حسيب. لا. هذا ما يرضي حدّ
ثمة ناس استغلّت الموقف...ولاّت اتنظّم في المواطنين...ولاّت حركة متاع عصيان مدني، ماعادش مجرد تعبير عن رأيي و مطلب نقابي و قانوني و إنما ولاّت بالعكس تخرق في القانون و الدستور.
كان جيتو إنتوما أصحاب القرار، آش نوّة كانت باش تكون ردّت فعلكم؟
و اندوّن أي فكرة تجيني سواء عجبتكم أو لا.
تبقى مسألة إنو انعكّرلكم جوّكم...الله غالب....ساعات الكلام يكون مؤلم و ما يعجبش الناس الكل لكن لازمو يتقال
بورقيبة الله يرحمو و ينعمو، وقت اللي حكى على السلام مع إسرائيل و على قبول قرار التقسيم، و حكى على تغليب العقل على العاطفة، و على التفريق بين المهم و الأهم، و على "الدوام ينقب الرخام"، و غيرو و غيرو، ماسمعوا حدّ. بل وصفوه بالخيانة و العمالة و غيرو من النعوت و لكن اليوم، التوانسة الكل و العرب الكل و الأجانب الكل يستشهدوا بكلام بورقيبة مش كان فقط فيما يتعلّق بقضية الشرق الأوسط و إنما حتى على الصعيد الداخلي و رؤيتو للأمور
البعض الآخر، كيما فري-رايس و براستوس. راو في كلامي استفزاز و حتى حالة مرضية نفسية. أنا انقوللهم...لا....مش صحيح. لاني نستفزّ في الناس، و لاني قاعد انطبّق في هاكالقاعدة الشهيرة متاع خالف..تعرف
أنا قلتهالكم أكثر من مرّة، و في الواقع أنا مانيش مطالب باش انفسّرلكم، و لكن الله غالب ماهو أحنا التوانسة و العرب انحبّوا برشا التكعرير و المعاودة، أنا مانيش نستفز في الناس...أنا عندي فكرة نكتبها و اندوّنها، سواء عجبتكم و إلا ما عجبتكمش. كان ماعجبتكمش، ماعليكم كان تنقدوا الفكرة و ادوّنوا آرائكم و اترجعوا عليا و خليّونا انحلّوا نقاش على المسألة و نتبادلوا الأفكار. لعّل في النهاية تقنعوني و إلا أنا نقنعكم و نوصلوا لحلّ. الحل قد يرضي الجميع و يمكن لا.
و لكن على الأقل حلاّن النقاش في الموضوع و تناول المسألة من أوجهها الكل: الأخلاقية و القانونية و السياسية و حتى العاطفية، ربما يوضّح المسألة لينا و للمدونين و للقراء و للتوانسة الكل. في بلاصة كل حد يجبد ليه، هات نتعاونو عل المسألة و نشوفوا باش بشنخرجو
خالف...تعرف. و الله ريقي شاح و أنا نقول و انعاود اللي عمري ما كنت انطبق في هالقاعدة هذي. سواء أكنت واعي أو غير واعي، لا في الوعي متاعي و لا في اللاوعي متاعي، ماني انطبق فيها. قلت، و انعاود، كي انتوما اتحبو التكعرير، أنا تبدا عندي فكرة أو رأي أو حاجة انحب انقولها، نكتبها و اندونها من غير أي خلفية أو رغبة في الاستفزاز أو باش نظهر. أعلاش باش نظهر؟ تي هاو تن-بلوغز الكل تعرفني. آش نوّة باش نربح؟ عدد كبير يدخلو يقراولي، آش زادوني؟ و كي ما يقرالي حتّى حدّ، آش انقصلي؟ نقصت مني حاجة؟ و برّا استفزّيت العباد، على الأقل هكاكا انجّم انشوف ردّات الفعل المختلفة و انجّم انشوف العباد اللي توافقني في بعض الأمور كيفاش باش تكون ردّة فعلها على أمور أخرى: يا هالترى ردّة الفعل متاعهم باش تكون عنيفة و عكس ما أظهروه ليّ و إلا باش يكونو معتدلين؟ و كيفاش البقية المتعلمة و المتثقفة تفكّر؟ يا هالترى مجتمعنا اطّور و إلا لا؟ هل نحن ناس نستعملو العقل و إلا العاطفة مزّالت تتحكم فينا؟
هي أسئلة عديدة، يقول القايل آش يهمّك بالأمور اللي تهم الحالات النفسية و البسيكولوجية للناس و لكن الله غالب. أنا عندي دودة انحب ديما انشوف ردّات فعل الناس و انحلّللها و انشوفهم كيفاش يتحكموا في أعصابهم و آرائهم. غرام...آش تحبوني نعمل
واحد آنونيم، حكى إنوا اللي صار في قفصة كان السبب متاعو توظيف توانسة من خارج سكان المنطقة و را في هذا عدم احترام لحقوق الانسان و يقصد هوني الحق في العمل و إنو مازلنا انفرقوا بين الجهات في حين إنو بكلنا توانسة
و التونسي ينجم يخدم في أي بلاصة. أنا موافقك يا سي أنونيم...كلامك صحيح. أكثر من مرّة وقع ترديد أنو لا إقصاء
و لا تهميش و أنو تونس للكل. و لكن، و لو إنو في الوقت الحالي أنا ماعنديش المعطيات الكاملة، و لكن يقال إنو هناك ، نص تشريعي يحدّد نسبة معيّنة دنيا مخصصة لأبناء الجهة باش يقع تخديمهم في الحوض المنجمي. اللي صار إنو لم يقع احترام هالنسبة. و وجود النسبة أمر عادي لأنو المنطقة ما فيهاش تطور للنسيج الصناعي و الخدماتي اللي باش يوفر مواطن الشغل، من هوني وقع الالتجاء لها الفكرة بحيث يضمن لأبناء المنطقة نصيب من مواطن الشغل في الحوض.
و لكن عدم احترام هالنسبة، مع وجود نسبة بطالة، هو اللي خلاّ المواطنين ينتفضوا و يعبروا على غضبهم.
الرئيس ادّخل هوني من أول ماصارت الاضطرابات، و قرّر عزل المدير و الوالي و أكيد هو يتبع في أحداث قفصة لليوم و يحقق و يشوف و كذلك عدد كبير من المسؤولين. و هالأمر يصير في عدد كبير من الدول حتى المتقدمة. و على الأقل أحنا حكومتنا مامشاتش عكس التيّار، بالعكس، ساندت مطالب المواطنين و ماساندتش المسؤولين على الانتداب
أنا صحيح بورقيبي و نحترم الزعيم الراحل كيما برشا توانسة يعزّوه، و لكن هناك أخطاء ارتكبها المجاهد الأكبر ربما لأسباب سياسية و لكن زادة بسبب الجوقة اللي كانت محيطة بيه . هالجو هذا خلاّ قفصة اتخلّص في فاتورات قديمة أهمها محاولة الانقلاب العسكري على بورقيبة. و المنطقة في الحقيقة منذ التاريخ القديم كانت صعيبة. لكن عيب أعلينا انحاكمو منطقة كاملة بسبب أحداث تاريخية الأجيال اللي تعيش توا ماعندها حتى دخل بيها. لذلك، أول نواة صناعية بالمنطقة رات النور مع وصول الرئيس بن علي للحكم. مانيش نرمي في الورود، أو نضرب في البندير كيما قال البعض منكم، و لكن من واجبنا باش انقولو الحقائق. مش على خاطر ثمة حاجات في البلاد مش عاجبتنا، انوليوا انسّوقوا كل شيء على أساس إنو أسود
أول نواة صناعية اترّكزت في جهة قفصة كانت بعد التغيير لأنو فعلا يحق لكل تونسي و تونسية باش يتمتعوا بثروات البلاد و باش ثروات البلاد يتوزعو على المناطق الكل. و توّا المنطقة بدات تتحسن. ماهو كل شيء مربوط ببعضو. اليوم ثمة قطب جامعي في قفصة مثلا. اللي ماكانش قبل. كي تعمل قطب جامعي معناها وفّرت مواطن شغل للتوانسة ككل و ووفرت مواطن شغل لأولاد المنطقة. و كي تعمل مركب جامعي معنها خلقت حركية في الجهة. لأنو هناك طلبة و أساتذة من جهات أخرى اللي يمثلو طاقة شرائية و باش يكريوا ديار و يشريو و يبيعو و ناس تتعرف ببعضها و تتزاوج
و بالتالي ثمة حركية مالية و اجتماعية و تبادل ثقافي و ربط الصلة بين الجهات باش نناسو الجهويات و المحليات
و التعصب القبلي و العروشي و قيسوا على هذا المثال أمثلة أخرى في مواضيع أخرى و مناطق أخرى
اتقولو هذا فاش قاعد يخضرط؟ فاش ايقول و فاش ** ****؟ لا...مش صحيح. خممّو فيها
اليوم وقت اللي الطريق السيارة توصل لقفصة و زادة لسيدي بوزيد و القصرين و ٍالقيروان و رأس الجدير، مع تشجيع الدولة على الاستثمار في هالمناطق و تهيئة المناطق الصناعية فيها و وجود مطار في قفصة و مطار في قابس و مطار في صفاقس و مطار في طبرقة و مطار المنستير و مطار النفيضة الجديد و المواني، هذي كلها تولي تقرّب المسافات
و اتخللي المستثمر، اللي مش بشرطه مستثمر معناها أجنبي، حتى التونسي، لأنو مجلة التشجيع على الاستثمار هي مفتوحة للجميع توانسة و أجانب، و القوانين المشجعة على الاستثمار في المناطق الداخلية هي قوانين للتوانسة
و للأجانب و لكن الكرة عند أبناء المناطق هذه و عند رجال الأعمال التوانسة و عند الغرف التجارية باش يعرفوا بمناطقهم أو باش يستثمرو فيها
يزيّونا من الدولة و من هات و هات، اليوم أحنا آش باش نعطيوا لدولتنا؟ آش باش نعملو؟ لانا ناقصين يد و لا ساق. متعلمين و متثقفين و عنّا قدرات.
أشنوة ايزيد علينا الياباني و إلا السنغفوري و إلا الكوري الجنوبي؟ لا عندهم بترول و لا غاز و لا مناجم و لا أراضي واسعة. تي أحنا على الأقل عنا شويّة غاز و نفط و ثروات و عنا مساحة أكبر منهم، علاش مانكونوش كيفهم و حتى خير منهم؟
نرجع لأحداث قفصة. قلنا المطالب شرعية و كان ثمة تجاوز للقانون من طرف المسؤولين و لقاو عقوبتهم و لكن زادة المواطنين ماقصّروش. اعتداو على برشا أملاك عامة و خاصة. خرقوا القانون في أكثر من مرة و أكثر من مكان. إذا باش انغضّو الطرف على أفعالهم قال اشنوّة والله مطالبهم مشروعة، و حتى حد ما يشك، أتوّا من غدوة نلقاو انتفاضات في كل الجهات و كل واحد وآش نوّة مشكلتو و انردوّها بلاد فوضى. كسّر و تدقدق كيما تحب و لا مراقب و لا حسيب. لا. هذا ما يرضي حدّ
ثمة ناس استغلّت الموقف...ولاّت اتنظّم في المواطنين...ولاّت حركة متاع عصيان مدني، ماعادش مجرد تعبير عن رأيي و مطلب نقابي و قانوني و إنما ولاّت بالعكس تخرق في القانون و الدستور.
كان جيتو إنتوما أصحاب القرار، آش نوّة كانت باش تكون ردّت فعلكم؟
tous les voleurs et les enrichis ont le meme avis que toi.merci d'etre tres clair
5:49 PM
كلام يغــــــصــّـــص
شكرا للمجهود الإستفزازي
6:05 PM
بالله يا "ديانا" زيد وضّحلهم و فسّرلهم... ماك تعرف التوانسة في القانون و النظام، عقوبة ربّي !!!
آما حويجة بركه بجاه ربّي... آش يكون منّك سي "بهتان مسيّس" ؟!!
6:07 PM
هاو باش نحاول نجاوبك بموضوعية...توة عندنا زوز مصادر للي صار في قفصة: مصدر رسمي من جهة و لاخر تعتبرو انتي يصطاد في الماء العكر من جهة أخرى...السؤال هو شنوة اللي يخليك متأكد مالفرسيون متاع الجهات الرسمية...هاو ثمة فيديوات تبين اللي رجال الأمن قاموا باقتحام محلات تجارية على طريقة العصابات فعلا...انتي تعرف اللي النوع هذا مالمقالات ينجم ينرفز برشة عباد و أنا كنت نجي في صفك لو كان جيت متأكد مالفرسيون اللي انتي مقتنع بيها لكن حتى حد ما ينجّم ينكر التعتيم الإعلامي اللي صار وقتها...التعتيم ما ينجّم كان يُفقد الجهات الرسمية مصداقيتها...الأخطر من ذلك أنو يعطي أكثر مصداقية للجهات اللي تصطاد في الماء العكر على رايك
6:19 PM
أنت استفزّ العباد و من بعد تقول كيفاش النّاس الكلّ ضدّي
يا أخي كي أنت عندك هالموقف هذا ماو احتفظ بيه لنفسك لازم تكدّر بيه خواطر النّاس ؟ ماك علّقت في المدوّنة الجماعيّة و ما سمعك حدّ
ربّي يهديك
6:21 PM
a mon avis tu dois ecrire dans le Renouveau
6:31 PM
======
هو كأي مواطن عربي، يتفاعل مع الأحداث عاطفيا لا عقليا،
======
و إنت تتفاعل مع الأحداث قزوَرديّا
6:38 PM
Moi je veux comprendre quelque chose: Comment ça se fait que beaucoup de gens en Tunisie et d'ailleurs compatissent avec des racistes purs et simples???? L'origine déclarée de cette fronde est le refus des locaux de Gafsa d'accepter l'embauche d'autres jeunes tunisiens venus des quatres coins du pays. Mais c'est tout à fait normal que le groupe chimique embauche des gens d'autres régions avec la paresse de ces locaux qui s'imaginent que les richesses du sous sol leur appartiennent. C'est une mentalité héritée du temps colonial, et certains soit disant défenseurs de droits de l'homme tunisiens utilisent bêtement et cyniquement pour réaliser quelques coups certes parfois médiatiques mais incontestablement bas.
6:46 PM
عندك الق حق يا ديانا
البلاد رايضة و في نعمة و خير و استقرار و هوما جايين يعملو في الشغب
هذا الكلو يعكر الجو ويخلّي الناس اللي تحب تستثمر و تعمل البزنس موش في راحة
و تخليها تهرب رؤوس اموالها من البلاد
6:49 PM
ـ"مثقفو"آخر زمان .. نماذج متاع شيزوفرينيا .. تسخّفو .. كلّما يزيدو يخصيوكم .. كل ما تزيدو تضربو البندير
9:18 PM
werwolf
المدوّن هاذا .. بل .. الحالة هاذي بلغة الطب النفسي ، معروف من قبل .. يتعمّد الاستفزاز لجلب الاهتمام
هذا السلوك .. و إن بدا طبيعيا عند الاطفال .. لانّ اجهزتهم النفسية و العصبية قاعدة تتشكل مما يخلّيها تتطلب الاهتمام..اما ان يظهر عند الكبار .. فذاك يستدعي العلاج.. و ليس النقاش
لان النقاش و الاقناع لا يتم الا مع الاسوياء.. المتوازنين
9:25 PM
je voulais écrire : @ wirewolf
9:26 PM
عيب عليك في هل كلام، و في الوقت إلي المحكمة قاعدة تنظر في قضية الإستئناف متاعهم
هذي ماتكون كان لغة قزوردية تحشم
11:04 PM