كنت نتفرج في التلفزة و انزابي من شان لشان و نرى و انسمع في العباد اش يقولو و كيفاش يحكييو بصفة خاصة العرب كيما المصريين و الاردنيين و اللبنانيين و كيف اللي قارنتهم بالتوانسة القيت اللي كلامنا ياسر و بصفة خاصة الكلام الزايد و الخايب. ولات ظاهرة كبيرة برشا و حالة ميؤوس منها..منين تتلفت ما تسمع كان الكلام الزايد و حتى البنات اللي هوما جنس لطيف ولاو أكثر من الولاد..الكلام الخايب في الشارع كي البطاطا..لاعاد ثمة حشمة و لا جعرة و لا احترام..الواحد ولا يحشم كي يمشي مع أمو ولا أختو..الحاسيلو أحنا التوانسة كثرنالها و لازم السلطات تشوف حل على خاطلر مش معقول..اولاد صغار عمرهم حتى اقل من 6 سنين يقولو في الكلام الخايب؟ مش معقول. ويني عايلتهم؟ وينهم اخواتهم؟ ويني المدرسة؟ الحاصيلو الحوت عليك يا تونس
