و الله غريبة في التوانسة..حتاش اللتوا ما فهيمتهمش..باش ناحكيلكم على بولسي ديما نلقاه بجنب الفاكولتي التي نقرا فيها و في ثنية الخدمة متاعي. غاديكا ثما فوروج و الكراهب ماهومشي برشا. خونا البوليسي، بما انو يفد، ايولي يعدي في الاربعة كراهب وحدو..و يا ريتو يعديهم..تي السيركولاسيون تدخل بعضها..و مافهمتيش علاش يعدي في الكراهب واقت اللي السيركولاسيون ماثماش..و الفوروج يخدم على روحو. المهم..الايامات هذيا..الفوروج ما يمشيش بالكل..تعرفوش صحيبنا البولوسي آش عامل؟ راكم تقولو شايخ؟ لا..لا..لا..قاعد بجنب الحيط يغزر للكراهب و الهمجية متاع الشوافرا التوانسة و يتفرج في السيركولاسيون الي داخلا بعضها. افهمتوشي حاجة؟
