قولولي ياخي حتى ت ن بلوق بالوجوه و المعارف؟ صدقوني، عنددي برشا ماللي و أنا انفكر باش انظموا نهار تدوين لفائدة لبنان. من قبل ما اندونوا للنغرب العربي و لحرية التعبير و حتى 1 أوت التدوين من أجل التدوين. أما و قت اللي ريت عباد فاتوني بتنفيذ الفكرة احترمت رايهم و ماحبيتش نجبت على لبنان بالكل و قعدت نستنى في الوقت المناسب. بعد ما فاتنا نهار 12 جويلية التهار اللي بدات فيه الحرب، قلت أو كي، توا نختار نهار 14 أوت النهار اللي وفات فيه الحرب. و لانصيت الفكرة و قعدت نستنى في ردة الفعل متاع لي بلوقور. ياخي ما راعني اللي كان زوز توانسا و واحد لبناني انضموا لي. و البقية؟ يا هالترى فدوا من اختيارنا لأيامت تدوين؟ و اللا فكرة التدوين للبنان ما عجبتهمش؟ أنا بصراحة انحب لبنان. باش اندون لبلاصة عزيزة على قلبي معزة تونس . اللي يحب ينضم لينا مرحبا و اللي يفضل يراقبنا، مرحبا و اللي باش ينقدنا، مرحبتين. أما اللتوا انحب نعرف علاش التدوين من أجل لبنان مالقاش حظوا؟ زعما على خاطروا من ديانا ماغازين؟ بالكشي بيغ تراب بوي شعبيتو أكثر؟ جاب ربي علاقتي بيه تحفونة برشا و نتفاهمو في برشا مواضيع. على كل الباب مازال مقتوح منا حتاش 14 أوت 2007. نراكم على خير
