غريبة أمر الناس و تدخلّهم في شؤون الغير و في أمورو و قناعاتو و اختياراتو. ما شفتش عباد و شعب نسناس كيما الشعب التونسي. يتدخّل في الشقيقة و الرقيقة و في اللي يخصّو و في اللي ما يخصّوش. هذاكا زادة حال برشا مدوّنين و برشا قرّاء اللي انهار الكل و هوما يحب العبد يكتب و يتحدث في أمور هوما يحبّو يسمعوها. يا سيدي أنا ما انحبش نكتب الكلام اللي انتوما اتحبوه و اتحبوا تقراوه و تسمعوه. ماكم تناديو بالحرية و منها حرية التعبير و الحق في الاختلاف، دونك يا تلعبو اللعبة على أصولها يا إمّا اتفضلوا من غير مطرود و حنك الباب أهاوكا يفوّت 10 جمولات و 500 بقرة و بهيم
واحد أنونيم، لا أصل لا فصل، قاللك "علاش هالسيد يكتب على لبنان؟ " و بدا عاد يهز و ينفض و يحكي على الحزب الحاكم و سياسات ثنائية و دبلوماسية و بدا يحلّل و شلل و يعطف وحدو و برشا كيفو لا محالة. المهم....أنا كي نكتب حاجة نكتبها على اقتناع. و حتى و لو تتهز الدنيا و ما تقعدش، طالما أنا عندي قناعاتي الخاصة و الذاتية و رؤيتي للأمور و تحليلها، حتى حد ما ينجم يبدّللي رأيي و إلا يأثر عليّ باش انغيّر من توجهاتي و أفكاري لأني ما تولدتش باش الناس يأثروا فيّ. أنا عندي شخصيتي و طبيعتي و أموري
نكتب على لبنان....ما نكتبش على حماس....انمجّد بن علي.....انقزّم أحمدي نجاد...انحط تصويرة ديانا....نعمل ما نعملش هاذيكا كلها أشياء خاصة على خاطرني أنا كي نكتب نكتب و انا عامل بون كيف...اللي عجبو قرا و اللي عاجبو حط كومانتار و ناقش و اللي ما عجبو شيء مش لازم أهاوكا في تن-بلوغز و في غير تن-بلوغز توّا يلقا الحاجات اللي يحب عليها و من كل لون يا كريمة
ساعات كي نقرا لي كومنتار، انقول "الزّح. قدّاش هاللي كتبو حرقو مخاخهم، هذا بطبيعة الحال كان عندهم مخ أصلا، باش يطلعو حكايات و أمور كيما هكّا. كان مشاو حرقوا مخاخهم في القراية و إلا الخدمة و إلا مشاو اخترعوا و إلا صنعوا حاجة كان خيرللهم و خير لتونس". نقطة إلى السطر
واحد أنونيم، لا أصل لا فصل، قاللك "علاش هالسيد يكتب على لبنان؟ " و بدا عاد يهز و ينفض و يحكي على الحزب الحاكم و سياسات ثنائية و دبلوماسية و بدا يحلّل و شلل و يعطف وحدو و برشا كيفو لا محالة. المهم....أنا كي نكتب حاجة نكتبها على اقتناع. و حتى و لو تتهز الدنيا و ما تقعدش، طالما أنا عندي قناعاتي الخاصة و الذاتية و رؤيتي للأمور و تحليلها، حتى حد ما ينجم يبدّللي رأيي و إلا يأثر عليّ باش انغيّر من توجهاتي و أفكاري لأني ما تولدتش باش الناس يأثروا فيّ. أنا عندي شخصيتي و طبيعتي و أموري
نكتب على لبنان....ما نكتبش على حماس....انمجّد بن علي.....انقزّم أحمدي نجاد...انحط تصويرة ديانا....نعمل ما نعملش هاذيكا كلها أشياء خاصة على خاطرني أنا كي نكتب نكتب و انا عامل بون كيف...اللي عجبو قرا و اللي عاجبو حط كومانتار و ناقش و اللي ما عجبو شيء مش لازم أهاوكا في تن-بلوغز و في غير تن-بلوغز توّا يلقا الحاجات اللي يحب عليها و من كل لون يا كريمة
ساعات كي نقرا لي كومنتار، انقول "الزّح. قدّاش هاللي كتبو حرقو مخاخهم، هذا بطبيعة الحال كان عندهم مخ أصلا، باش يطلعو حكايات و أمور كيما هكّا. كان مشاو حرقوا مخاخهم في القراية و إلا الخدمة و إلا مشاو اخترعوا و إلا صنعوا حاجة كان خيرللهم و خير لتونس". نقطة إلى السطر
