أرابيش...هكّا انسمّي كل تونسي متخلّف انراه في الشارع. راهم كلاو على قلبي و شربو. توّا معقول الواحد يبدا واقف في الفو روج و الكراهب الكل متعدّين تقولش أعليه فو فار؟؟؟؟ والله انهارتها دخّلوني بعضي لين مشا في بالي اللي أنا ماعادش انرى مليح و إلا الليونات دو سولاي متاعي ماعادش توري مليح
انزيدو انواصلو....كان مش من هاك الأباريات اللي عملوهم في البوسطا و الادارات باش الناس تاخذ انوامر و تشد بلايصها و باقي لاما اطيح روح في الصفوف. و مع ذلك مازلنا لليوم انراو ناس تدخل تعفّس تقولش أعليها ولاد الباي. بالنسبة لي أنا ما نوصلو و انقولو اللي أحنا اتحضرنا كان انهارت اللي نتعلمو انشدّو الصف من غير بوليس و إلا نومرو
انزيدو انواصلوا...مظهر قديم جديد في برشا مواقع وين فمة قناطر متاع مشاة على الأوتوروت و إلا على الطرقات السيارة. الداخل لأريانة مثلا على مستوى رواد و حي النزهة، فمة قنطرة للمشاة و مع ذلك ما يستعملو فيها كان قلّة قليلة من المواطنين. تلقاهم رجال و نساء، كبار و صغار، بيداو يتجاراو ويهزّوا في ساقيهم و يقطعوا في الطريق في بلاصة ما يستعملو القنطرة و الغريب اللي فمة ناس تبدا تحت القنطرة قد قد و مع ذلك يقصوا الكيّاس و يعرضو حياتهم و حياة الناس للخطر. بربي هذا مش عوج؟؟؟؟؟ و لو كان الدولة ما بناتش قنطرة راهو الحكومة و البلدية ولاّو بيهم و عليهم. و انهارت اللي المجموعة الوطنية حطّت فلوسها غادي باش تضمن سلامة المواطنين، خلاّو القنطرة مجرد منظر يستعملها نص عبد يوميا
انزيدو انواصلو....يقولولي اصحابي ساعات اللي كرهبتي زبلة. اي نعم. اخيّر انلم الوسخ الكل وسط كرهبتي و انضفها في الدار على إنو انطيش الوسخ في الطريق العام. تبدا ساعات تسوق في الكرهبة و اللي قدّامك هاو طيّش دبّوزة...هاو طيّش كعبة بيرة....هاو طيّش كاغط متاع كسكروت....هاو نفض الصندريا متاعو...هاو بصق على قدرو....آش هالحالة؟؟؟؟؟ آش هالخمج و الوسخ؟؟؟؟؟
انزيدو انواصلوا....الطريق يهز زوز و إلا 3 و إلا 4 كراهب....في تونس تلقى فيه 3 و 5 و 6 كراهب و من بعد يقولو أعلاش فمة أمبوتياج؟؟؟؟؟؟ ماهو على خاطر مخاخخهم امبوتيّا ديجا
انزيدو انواصلوا؟ آش فمة تنسنيس عند التوانسة. اب اب اب.مافهمتيش أعلاش النهار الكل و الواحد مالاهي كان بجارو؟؟؟ تي أنا أغلب الحومة ما نعرفهمش. و فاش قام باش نعرف و إلا نتلها انلوّج على الناس؟ تي عندي أمور أهم من هذاكا: عندي خدمتي و نشاطي و أموري اللي تنفعني و تنفع المجموعة فاش قام باش نقعد نحكي على فلان و إلا فلتانا؟؟؟؟
خلّي عــــــــــاد من المعاملة في البلايص الكل: كان دخلت الإدارة و إلا صبيطار و إلا مركز شرطة و إلا كلية قليـــــــــــــل وين تلقى شكون يتبسّملك و إلا يرحب بيك. النهار الكل و هوما كي بو كشّاش
حاصيلو....ربي يهدي ما خلق و الفايدا مش في الكلام...الفايدة إنو ناخذو دروس و عبر و غذا كل واحد منا يصلّح روحو و عايلتو توّا المجتمع الكلوا يتصلّح
انزيدو انواصلو....كان مش من هاك الأباريات اللي عملوهم في البوسطا و الادارات باش الناس تاخذ انوامر و تشد بلايصها و باقي لاما اطيح روح في الصفوف. و مع ذلك مازلنا لليوم انراو ناس تدخل تعفّس تقولش أعليها ولاد الباي. بالنسبة لي أنا ما نوصلو و انقولو اللي أحنا اتحضرنا كان انهارت اللي نتعلمو انشدّو الصف من غير بوليس و إلا نومرو
انزيدو انواصلوا...مظهر قديم جديد في برشا مواقع وين فمة قناطر متاع مشاة على الأوتوروت و إلا على الطرقات السيارة. الداخل لأريانة مثلا على مستوى رواد و حي النزهة، فمة قنطرة للمشاة و مع ذلك ما يستعملو فيها كان قلّة قليلة من المواطنين. تلقاهم رجال و نساء، كبار و صغار، بيداو يتجاراو ويهزّوا في ساقيهم و يقطعوا في الطريق في بلاصة ما يستعملو القنطرة و الغريب اللي فمة ناس تبدا تحت القنطرة قد قد و مع ذلك يقصوا الكيّاس و يعرضو حياتهم و حياة الناس للخطر. بربي هذا مش عوج؟؟؟؟؟ و لو كان الدولة ما بناتش قنطرة راهو الحكومة و البلدية ولاّو بيهم و عليهم. و انهارت اللي المجموعة الوطنية حطّت فلوسها غادي باش تضمن سلامة المواطنين، خلاّو القنطرة مجرد منظر يستعملها نص عبد يوميا
انزيدو انواصلو....يقولولي اصحابي ساعات اللي كرهبتي زبلة. اي نعم. اخيّر انلم الوسخ الكل وسط كرهبتي و انضفها في الدار على إنو انطيش الوسخ في الطريق العام. تبدا ساعات تسوق في الكرهبة و اللي قدّامك هاو طيّش دبّوزة...هاو طيّش كعبة بيرة....هاو طيّش كاغط متاع كسكروت....هاو نفض الصندريا متاعو...هاو بصق على قدرو....آش هالحالة؟؟؟؟؟ آش هالخمج و الوسخ؟؟؟؟؟
انزيدو انواصلوا....الطريق يهز زوز و إلا 3 و إلا 4 كراهب....في تونس تلقى فيه 3 و 5 و 6 كراهب و من بعد يقولو أعلاش فمة أمبوتياج؟؟؟؟؟؟ ماهو على خاطر مخاخخهم امبوتيّا ديجا
انزيدو انواصلوا؟ آش فمة تنسنيس عند التوانسة. اب اب اب.مافهمتيش أعلاش النهار الكل و الواحد مالاهي كان بجارو؟؟؟ تي أنا أغلب الحومة ما نعرفهمش. و فاش قام باش نعرف و إلا نتلها انلوّج على الناس؟ تي عندي أمور أهم من هذاكا: عندي خدمتي و نشاطي و أموري اللي تنفعني و تنفع المجموعة فاش قام باش نقعد نحكي على فلان و إلا فلتانا؟؟؟؟
خلّي عــــــــــاد من المعاملة في البلايص الكل: كان دخلت الإدارة و إلا صبيطار و إلا مركز شرطة و إلا كلية قليـــــــــــــل وين تلقى شكون يتبسّملك و إلا يرحب بيك. النهار الكل و هوما كي بو كشّاش
حاصيلو....ربي يهدي ما خلق و الفايدا مش في الكلام...الفايدة إنو ناخذو دروس و عبر و غذا كل واحد منا يصلّح روحو و عايلتو توّا المجتمع الكلوا يتصلّح
