عشيّة السبت اتفرّجت في منبر الجزيرة. منبر لا منبر له. أما كان نجّمتو اتشدّوا التلفون و تحكيوا، إيجاو حاسبوني. على خاطر الجماعة عندهم أصحابهم اللي ديما يطلبوهم و يستدعاوهم باش ما يعدّيو كان الحاجات السلبية و السوداء و يرسموا صورة قاتمة على تونس
المهم. البرنامج كان من المفروض إنو يتناول الحجب في العالم العربي ككل و لكن الفاهم يفهم. البرنامج ماللي بدا و هو نازل ركبة في تونس. حتى العرب اللي عمرهم ما حطوا ساقيهم في تونس، خذاو باي فينا و طاحو يسبوا و يشتموا.
الغريبة إنو البعض منهم، يعيش تحت قانون الطوارئ من عام 1981. و لاخر، يعيش في دولة يحكمها الوهابيين و كل شيء فيها مسكّر. خللي عاد من التوانسة من الخوانجية لأقصى اليسار. أسماء معروفة و مشبوهة، تعمل المستحيل باش توصل لكرسي الحكم و تضرب مكاسب البلاد و الاستقلال و قيم الحداثة و الانفتاح و التقدم
صحيح إنو فما حجب في تونس، و لكن بربي قبل ما نتعداو للحجب، خلينا زادة نحكيو بكل موضوعية و نعطيو لكل ذي حق حقّو
العديد من الوكالات و الهيئات و المنظمات الدولية صنّفت تونس في مقدمة الدول الافريقية و العربية في مجال تكنولوجيات الاتصال و المعلوماتية (من غير ما نحكيو على الاقتصاد و غيرو)
التقرير الأخير متاع منتدى دافوس الخاص بالتكنولوجيا و المعلوماتية صنّف تونس الأولى افريقيا و 39 عالميا من مجموع 133 دولة
اليوم مع المشغل الثالث للهاتف الجوال، ولاّ يمكن للتوانسة باش يرتبطو بشبكة الانترنات في أي مكان : في الشارع، في القهوة، في الكرهبة، على الشط، في الجبل (تقنية الوي ماكس المتقدمة)
قمة المعلومات اللي احتضنتها بلادنا و كانلي الشرف باش انكون من جملة المتطوعين اللي شاركوا فيها، حضروها 30 ألف مشارك مقابل 11 ألف كانوا منتظرين، ناهيك على كبار الشخصيات و رجال الاختصاص. و لازم المواطن العادي يفهم حاجة مهمة و أساسية و هي إنو مش من الساهل باش دولة تمرّر مبادرة أو تحصل على شرف تنظيم مؤتمر أممي و دولي . إذا تونس نظّمت قمة عالمية أو مبادراتها حصلو على دعم المنتظم الأممي، فهذا دليل على احترام الدول لتونس و دليل زادة على مدى الخدمة الكبيرة اللي تقوم بها الدبلوماسية التونسية
لازم هاك الجْمَيْعَة اللي النهار الكل و هوما يبكيو و يشكيو يعرفوا اللي تسيير دولة مش بالأمر بالساهل
تي أحنا ساعات الواحد ماينجمش يسيّر دارو، خللي عاد حكم دولة كاملة بما فيها من مشاكل و اختلافات و مصالح و ضغوطات و غيرو
و هالمنظمات الدولية و المنتديات اللي تصنّف تونس في مراتب متقدمة، بالكشي على عينينا الخضر و شعرنا الأصفر الذهبي؟ ياخي هوما مهابيل قال الراجل؟ ماهم ناس عندهم مصالح و أموال باش يستثمروها و الأكيد إنهم ما يستثمروهاش في دول ما تعرفش الأمن و الاستقرار و التقدم و أرضية ملائمة. بالتالي كي هي اتصنّف تونس مش معناها رمي للورود و مجاملة و إنما هو دليل إنو تونس قاعدة تتقدّم و تقطع في أشواط للأمام
و لكن ما لازمش هذا الكل يغرّنا، لأنو مازال أمامنا العديد من المراحل و التحديات اللي باش نقطعوها. مازال يستنا فينا الكثير من الأمور و لازمنا انزيدو من مستوى الخدمة و انّحيو التكركير و الأحكام المسبقة
ما لازمش الواحد زادة يمشي في بالو اللي كي هو قرا و وصل، صايي، ولاّ أبو العرّيف. طز
ساعات تلقاه دكتور دولة، و مخو مسكّر تسكيرة تقول ...آش باش يقول فمّي
فما حجب في تونس. إي نعم فما حجب. و لكن زادة لا بد من تبويب أنواع الحجب
فما حجب تمليه علينا أخلاقنا و تقاليدنا و ديننا: كيما حجب المواقع الإباحية و الجنسية و منها أبضا المواقع اللي تستغل الأطفال و المراهقين. و أنا نتحدى أي واحد يقول اللي هو ضد حجب هاذي المواقع خاصة كي يبدا عندو اخوات و ابناء. تي حتى في أمريكا فما برامج خاصة لمراقبة الانترنات و الأولوياء بيدهم يشرفو عليها باش يمنعوا هالمواقع على أولادهم
و فما زادة مواقع ظلامية. تلقاه الواحد لحيتو طولها كيلوماتر، مليانا بالبراغيث و البكتيريا، و عينيه تلعب، و منظرو حاشا خليقة الرحمان. يخوّف. و يبدا عاد يعطي فينا في دروس في الدين و عقاب القبر و الصلاة و خاصة عاد الحجاب و النقاب و المرأة و يرجعنا إلى عصور ظلامية و غياهب هي بعيدة كل البعد عن الدين الاسلامي الحنيف اللي يدعو إلى الوسطية و الاعتدال و التسامح و يعطي للمرأة مكانتها في المجتمع خاصة و انها منذ أيام الرسول الكريم و هي تقوم بدورها في المجتمع كالتجارة - ما ننساوش إنو زوجة الرسول سيدتنا خديجة - كانت تاجرة. و ماننساوش زادة مشاركة المرأة في الغزوات
هاذي المواقع اللي تضرب مكاسب المرأة التونسية ، هي مواقع حجبها مقبول
و فما مواقع أخرى تدعو للتطرف و الارهاب و العنف و العنصرية، و هاذي زادة مواقع حجبها مقبول
انجيو توا إلى المواقع و ماينشر زادة في المدونات و الصحف الالكترونية و المواقع الاجتماعية و غيرو: و لنّا لازمنا انفرقوا بين شيئين. فمّا أّولا شيء يتكتب باش ينقد أشياء أو برامج أو أفكار أو ينوّر الطريق للمسؤول من خلال تسليط الضوء على مشكل ما أو إيصال صوت مواطن مظلوم أو يقدم زادة برامج و حلوال و وجهات نظر. أنا شخصيا أعتقد أن هذا أمر معقول لأنو يساهم في بناء الدولة و تحقيق التقدم و الازدهار لبلادنا خاصة و أن ما يجمعنا جميعا هو حب تونس و حب الخير لها و لشعبها
أما الشق الثاني، فهو الشق اللي يستغل حرية التعبير باش يتعرّض لأعراض الناس و للشتم و السب و بث المعلومات المغلوطة و التحريض و الدعوة للاعتصامات و الانقلاب و العصيان، و تسميم الأجواء بأفكار هدّامة و نشر معلومات خاطئة هدفها المس بمصالح تونس و مصالح شعبها، و هذا أمر مرفــــــــــــــــــــــــــــوض و حتى قانونيا يعاقب عليه
و كي انقول قانونيا، معناها حتى إعلان حقوق الانسان و المواطن الفرنسي لسنة 1789 و الإعلان العالمي لحقوق الانسان 1948 و الاتفاقية الدولية الخاصة بالحقوق المدنية و السياسية لسنة 1966 و الاتفاقية الاوروبية لحقوق الانسان، كلها تضع حدّا للحرية و تعتبر أن لا يحق لأحد أن يتجاوز الحدود القانونية و الأخلاقية و ينشر كتابات و مقالات و صور و غيرها من ألأشياء اللي تمس بأعراض الناس و شرفهم و حياتهم الخاصة و كذلك تمس بأمن الدول و مصالحها و استقرارها أو تدعو للعنف و العنصرية و الارهاب و الكراهية
و أحنا للأسف، أغلبية اللي يعارضو، هوما أشخاص النهار الكل و هوما يسبو في الناس بسبب انتماءاتهم السياسية و الفكرية أو بسبب مواقعهم عوض إنهم ينقدو الأفكار و يقدموا برامج و حلول بديلة
يا سيدي انقد أفكاري...انقد برامجي...انقد طريقتي في العمل، و لكن مش تنقد شخصي و تسبني و اتهيني و تسبلي أمي و أختي و جدّ والديا
النهار الكل و هوما يبكيو و يندبو.....أي..تي وينهم برامجكم؟ وريّو للشعب التونسي كيفاش تتصوروا تونس....قدّمولنا برامجكم و عرفونا بيها في بلاصة النهار الكل و انتوما تبكيو و تشكيو
أنا قلتها و انعاودها: حائط المبكى في القدس مش في تونس. و اللي يحب يبكي و يندب و يشكي، يمشي الغادي. أحنا لهنا ناس اتفكر و اتخطّط و تنجز و تنفّذ و تتابع. وقتللي براش ناس تبدا جابدا النوم خميري، برشا ناس تبدا ساهرا اليالي في دار الحزب و في الوزارات و المؤسسات باش تلقا الحلول للمشاكل و باش تخلق مواطن الشغل و باش اتحافظ على القدرة الشرائية للمواطن و باش اتجيب الاستثمارات و باش اتحافظ على أمن تونس و استقرارها و باش اتنمي مواردها و تقيم التربية و التعليم فيها و تهتم بالبيئة و تحافظ على التوازنات المالية للبلاد باش ما نوصلوش للي وصلتو دول كيما اليونان و ايسلندا و يمكن اسبانيا و البرتغال
شنوة تفسيركم لناس راقدين ليل مع نهار في بروكسال و سترازبورغ، باش يضغطو على الاتحاد الأوروبي حتى ما يوقعش مع تونس على اتفاقية الشريك المتميّز ؟ مش في هذا ضرب لمصالح 10 ملاين تونسي؟ مش هذا ضرب للاقتصاد الوطني؟ مش هذا تسكير أبواب أمام خلق مواطن الشغل للتوانسة؟
شنوة تفسيركم لناس راقدين ليل مع نهار في بروكسال و سترازبورغ باش يضغطو على الاتحاد الأوروبي و على الأوروبيين و غيرهم باش ما يزورش تونس كسياح؟ مش هذا ضرب للاقتصاد التونسي؟ مش ضرب لمصالح و مداخيل مئات الآلاف من التوانسة اللي خبزتهم مربوطة بالسياحة؟ مش اسرائيل سبقلها و دعات الغرب باش ما يزوروش تونس وقت اللي احتضنت الزعامات الفلسطينية؟ تي هاو هوما ولاّو كيفها
أنا وقتللي انحط هذا الكل قدّامي و انحللوا و انشوفوا و نقراه و نستوعب، وقتها انولي، إي نعم للسيد اللي قاللي على البندير مرة و مرات، أنا فخور و سعيد بضربان البندير لـبـلادي، لـتـونــس، خير ماللي نضربو للمستعمر و للأجنبي و نخدم ضد مصالح بلادي و شعبها بتعلّة الحرية و الديمقراطية و حقوق الانسان
المهم. البرنامج كان من المفروض إنو يتناول الحجب في العالم العربي ككل و لكن الفاهم يفهم. البرنامج ماللي بدا و هو نازل ركبة في تونس. حتى العرب اللي عمرهم ما حطوا ساقيهم في تونس، خذاو باي فينا و طاحو يسبوا و يشتموا.
الغريبة إنو البعض منهم، يعيش تحت قانون الطوارئ من عام 1981. و لاخر، يعيش في دولة يحكمها الوهابيين و كل شيء فيها مسكّر. خللي عاد من التوانسة من الخوانجية لأقصى اليسار. أسماء معروفة و مشبوهة، تعمل المستحيل باش توصل لكرسي الحكم و تضرب مكاسب البلاد و الاستقلال و قيم الحداثة و الانفتاح و التقدم
صحيح إنو فما حجب في تونس، و لكن بربي قبل ما نتعداو للحجب، خلينا زادة نحكيو بكل موضوعية و نعطيو لكل ذي حق حقّو
العديد من الوكالات و الهيئات و المنظمات الدولية صنّفت تونس في مقدمة الدول الافريقية و العربية في مجال تكنولوجيات الاتصال و المعلوماتية (من غير ما نحكيو على الاقتصاد و غيرو)
التقرير الأخير متاع منتدى دافوس الخاص بالتكنولوجيا و المعلوماتية صنّف تونس الأولى افريقيا و 39 عالميا من مجموع 133 دولة
اليوم مع المشغل الثالث للهاتف الجوال، ولاّ يمكن للتوانسة باش يرتبطو بشبكة الانترنات في أي مكان : في الشارع، في القهوة، في الكرهبة، على الشط، في الجبل (تقنية الوي ماكس المتقدمة)
قمة المعلومات اللي احتضنتها بلادنا و كانلي الشرف باش انكون من جملة المتطوعين اللي شاركوا فيها، حضروها 30 ألف مشارك مقابل 11 ألف كانوا منتظرين، ناهيك على كبار الشخصيات و رجال الاختصاص. و لازم المواطن العادي يفهم حاجة مهمة و أساسية و هي إنو مش من الساهل باش دولة تمرّر مبادرة أو تحصل على شرف تنظيم مؤتمر أممي و دولي . إذا تونس نظّمت قمة عالمية أو مبادراتها حصلو على دعم المنتظم الأممي، فهذا دليل على احترام الدول لتونس و دليل زادة على مدى الخدمة الكبيرة اللي تقوم بها الدبلوماسية التونسية
لازم هاك الجْمَيْعَة اللي النهار الكل و هوما يبكيو و يشكيو يعرفوا اللي تسيير دولة مش بالأمر بالساهل
تي أحنا ساعات الواحد ماينجمش يسيّر دارو، خللي عاد حكم دولة كاملة بما فيها من مشاكل و اختلافات و مصالح و ضغوطات و غيرو
و هالمنظمات الدولية و المنتديات اللي تصنّف تونس في مراتب متقدمة، بالكشي على عينينا الخضر و شعرنا الأصفر الذهبي؟ ياخي هوما مهابيل قال الراجل؟ ماهم ناس عندهم مصالح و أموال باش يستثمروها و الأكيد إنهم ما يستثمروهاش في دول ما تعرفش الأمن و الاستقرار و التقدم و أرضية ملائمة. بالتالي كي هي اتصنّف تونس مش معناها رمي للورود و مجاملة و إنما هو دليل إنو تونس قاعدة تتقدّم و تقطع في أشواط للأمام
و لكن ما لازمش هذا الكل يغرّنا، لأنو مازال أمامنا العديد من المراحل و التحديات اللي باش نقطعوها. مازال يستنا فينا الكثير من الأمور و لازمنا انزيدو من مستوى الخدمة و انّحيو التكركير و الأحكام المسبقة
ما لازمش الواحد زادة يمشي في بالو اللي كي هو قرا و وصل، صايي، ولاّ أبو العرّيف. طز
ساعات تلقاه دكتور دولة، و مخو مسكّر تسكيرة تقول ...آش باش يقول فمّي
فما حجب في تونس. إي نعم فما حجب. و لكن زادة لا بد من تبويب أنواع الحجب
فما حجب تمليه علينا أخلاقنا و تقاليدنا و ديننا: كيما حجب المواقع الإباحية و الجنسية و منها أبضا المواقع اللي تستغل الأطفال و المراهقين. و أنا نتحدى أي واحد يقول اللي هو ضد حجب هاذي المواقع خاصة كي يبدا عندو اخوات و ابناء. تي حتى في أمريكا فما برامج خاصة لمراقبة الانترنات و الأولوياء بيدهم يشرفو عليها باش يمنعوا هالمواقع على أولادهم
و فما زادة مواقع ظلامية. تلقاه الواحد لحيتو طولها كيلوماتر، مليانا بالبراغيث و البكتيريا، و عينيه تلعب، و منظرو حاشا خليقة الرحمان. يخوّف. و يبدا عاد يعطي فينا في دروس في الدين و عقاب القبر و الصلاة و خاصة عاد الحجاب و النقاب و المرأة و يرجعنا إلى عصور ظلامية و غياهب هي بعيدة كل البعد عن الدين الاسلامي الحنيف اللي يدعو إلى الوسطية و الاعتدال و التسامح و يعطي للمرأة مكانتها في المجتمع خاصة و انها منذ أيام الرسول الكريم و هي تقوم بدورها في المجتمع كالتجارة - ما ننساوش إنو زوجة الرسول سيدتنا خديجة - كانت تاجرة. و ماننساوش زادة مشاركة المرأة في الغزوات
هاذي المواقع اللي تضرب مكاسب المرأة التونسية ، هي مواقع حجبها مقبول
و فما مواقع أخرى تدعو للتطرف و الارهاب و العنف و العنصرية، و هاذي زادة مواقع حجبها مقبول
انجيو توا إلى المواقع و ماينشر زادة في المدونات و الصحف الالكترونية و المواقع الاجتماعية و غيرو: و لنّا لازمنا انفرقوا بين شيئين. فمّا أّولا شيء يتكتب باش ينقد أشياء أو برامج أو أفكار أو ينوّر الطريق للمسؤول من خلال تسليط الضوء على مشكل ما أو إيصال صوت مواطن مظلوم أو يقدم زادة برامج و حلوال و وجهات نظر. أنا شخصيا أعتقد أن هذا أمر معقول لأنو يساهم في بناء الدولة و تحقيق التقدم و الازدهار لبلادنا خاصة و أن ما يجمعنا جميعا هو حب تونس و حب الخير لها و لشعبها
أما الشق الثاني، فهو الشق اللي يستغل حرية التعبير باش يتعرّض لأعراض الناس و للشتم و السب و بث المعلومات المغلوطة و التحريض و الدعوة للاعتصامات و الانقلاب و العصيان، و تسميم الأجواء بأفكار هدّامة و نشر معلومات خاطئة هدفها المس بمصالح تونس و مصالح شعبها، و هذا أمر مرفــــــــــــــــــــــــــــوض و حتى قانونيا يعاقب عليه
و كي انقول قانونيا، معناها حتى إعلان حقوق الانسان و المواطن الفرنسي لسنة 1789 و الإعلان العالمي لحقوق الانسان 1948 و الاتفاقية الدولية الخاصة بالحقوق المدنية و السياسية لسنة 1966 و الاتفاقية الاوروبية لحقوق الانسان، كلها تضع حدّا للحرية و تعتبر أن لا يحق لأحد أن يتجاوز الحدود القانونية و الأخلاقية و ينشر كتابات و مقالات و صور و غيرها من ألأشياء اللي تمس بأعراض الناس و شرفهم و حياتهم الخاصة و كذلك تمس بأمن الدول و مصالحها و استقرارها أو تدعو للعنف و العنصرية و الارهاب و الكراهية
و أحنا للأسف، أغلبية اللي يعارضو، هوما أشخاص النهار الكل و هوما يسبو في الناس بسبب انتماءاتهم السياسية و الفكرية أو بسبب مواقعهم عوض إنهم ينقدو الأفكار و يقدموا برامج و حلول بديلة
يا سيدي انقد أفكاري...انقد برامجي...انقد طريقتي في العمل، و لكن مش تنقد شخصي و تسبني و اتهيني و تسبلي أمي و أختي و جدّ والديا
النهار الكل و هوما يبكيو و يندبو.....أي..تي وينهم برامجكم؟ وريّو للشعب التونسي كيفاش تتصوروا تونس....قدّمولنا برامجكم و عرفونا بيها في بلاصة النهار الكل و انتوما تبكيو و تشكيو
أنا قلتها و انعاودها: حائط المبكى في القدس مش في تونس. و اللي يحب يبكي و يندب و يشكي، يمشي الغادي. أحنا لهنا ناس اتفكر و اتخطّط و تنجز و تنفّذ و تتابع. وقتللي براش ناس تبدا جابدا النوم خميري، برشا ناس تبدا ساهرا اليالي في دار الحزب و في الوزارات و المؤسسات باش تلقا الحلول للمشاكل و باش تخلق مواطن الشغل و باش اتحافظ على القدرة الشرائية للمواطن و باش اتجيب الاستثمارات و باش اتحافظ على أمن تونس و استقرارها و باش اتنمي مواردها و تقيم التربية و التعليم فيها و تهتم بالبيئة و تحافظ على التوازنات المالية للبلاد باش ما نوصلوش للي وصلتو دول كيما اليونان و ايسلندا و يمكن اسبانيا و البرتغال
شنوة تفسيركم لناس راقدين ليل مع نهار في بروكسال و سترازبورغ، باش يضغطو على الاتحاد الأوروبي حتى ما يوقعش مع تونس على اتفاقية الشريك المتميّز ؟ مش في هذا ضرب لمصالح 10 ملاين تونسي؟ مش هذا ضرب للاقتصاد الوطني؟ مش هذا تسكير أبواب أمام خلق مواطن الشغل للتوانسة؟
شنوة تفسيركم لناس راقدين ليل مع نهار في بروكسال و سترازبورغ باش يضغطو على الاتحاد الأوروبي و على الأوروبيين و غيرهم باش ما يزورش تونس كسياح؟ مش هذا ضرب للاقتصاد التونسي؟ مش ضرب لمصالح و مداخيل مئات الآلاف من التوانسة اللي خبزتهم مربوطة بالسياحة؟ مش اسرائيل سبقلها و دعات الغرب باش ما يزوروش تونس وقت اللي احتضنت الزعامات الفلسطينية؟ تي هاو هوما ولاّو كيفها
أنا وقتللي انحط هذا الكل قدّامي و انحللوا و انشوفوا و نقراه و نستوعب، وقتها انولي، إي نعم للسيد اللي قاللي على البندير مرة و مرات، أنا فخور و سعيد بضربان البندير لـبـلادي، لـتـونــس، خير ماللي نضربو للمستعمر و للأجنبي و نخدم ضد مصالح بلادي و شعبها بتعلّة الحرية و الديمقراطية و حقوق الانسان
